Blog

सिस्नुपानीको देउसी: प्रधानमन्त्रीदेखि विपक्षीका नेतासम्मलाई प्रहार, मेडिकल माफियादेखि निगमका खड्कासम्म

१ कात्तिक, काठमाडौं ।
विगतका वर्षहरुमा जस्तो हास्य कलाकारहरुको संगठन सिस्नोपानी नेपालले काठमाडौंको व्यंग्यात्मक देउसी कार्यक्रम आयोजना गरेको छ ।

देउसीमा प्रधानमन्त्री शेरबहादुर देउवा, एमाले अध्यक्ष केपी ओली, माओवादी अध्यक्ष पुष्प कमल दाहाल, मधेसकेन्द्रित दलका नेताहरु कलाकारको प्रहारमा परेका छन् ।

त्यसैगरी आयल निगमका गोपाल खड्कादेखि मेडिकल माफिया र अख्तियारका प्रमुखसम्मलाई व्यंग्य गरिएको छ । देशको समसामयिक परिस्थितिलाई सजीवरुपमा प्रस्तुत गरिएको कार्यक्रममा देशका प्रतिष्ठित हास्य कलाकारहरुको सहभागितामा रहेको थियो ।

कार्यक्रममा आफैंमाथिको व्यंग्य सुन्नका लागि राजनीतिक दलका केही नेताहरु पनि सहभागी बनेका थिए । विगतका वर्षहरुमा जस्तै आयोजना गरिएको यसवर्षको व्यंग्यात्मक देउसीलाई सिस्नुपानी नेपालले ‘भ्रष्टाचारविरुद्ध सिस्नुपानी देउसी’ को संज्ञा दिएको छ ।

The post सिस्नुपानीको देउसी: प्रधानमन्त्रीदेखि विपक्षीका नेतासम्मलाई प्रहार, मेडिकल माफियादेखि निगमका खड्कासम्म appeared first on Nepali Headlines,Nepal News, Nepali News, News Nepal.

१० बुँदे सहमतिपछि डा केसीको अनशन तोडियो

१ कात्तिक, काठमाडौं ।

सरकारले अध्यादेशबाट चिकित्सा शिक्षा विधेयक ल्याउने प्रतिबद्धता जनाएपछि १४ दिनदेखिको अनसन डा.गोविन्द केसीले बुधबार तोडेका छन ।

शिक्षण अस्पताल महाराजगञ्जमा उपचारका लागि आएकी एक बालिकाको हातबाट जुस पिएर डा. केसीले अनसन तोडेका हुन । सरकारी वार्ताका टोलीका सदस्य तथा शिक्षा मन्त्रालयका निमित्त सचिव डिल्ली रिमालका अनुसार चिकित्सा शिक्षा विधेयक अध्यादेशबाट ल्याउन आगामी मन्त्रीपरिषदको बैठकमा प्रस्ताव लैजानेलगायत १० बुँदे सहमति भएको छ ।

बिहानैदेखि प्रधानमन्त्री निवास बालुवाटारमा डाक्टर केसीका प्रतिनिधि र सरकारबीच भएको वार्तामा सहमति भएपछि डाक्टर केसीले अनसन तोडेका हुन ।

माथेमा आयोगको प्रतिवेदनअनुसार अध्यादेशबाट चिकित्सा शिक्षा विधेयक ल्याउने, आफुखुशी विद्यार्थीबाट शुल्क लिँदै आएको काठमाडौँ विश्वविद्यालयलाई तोकिएको शुल्क लिएर मात्र विद्यार्थी भर्ना गर्न परिपत्र गर्नेलगायतका १० बुँदे सहमति भएको छ ।

विगतका सहमति कार्यान्वयन गर्नुपर्ने माग गर्दै डा. केसी गत असोज १९ गतेबाट १३ औँ चरणको अनसनमा बसेका थिए ।

The post १० बुँदे सहमतिपछि डा केसीको अनशन तोडियो appeared first on Nepali Headlines,Nepal News, Nepali News, News Nepal.

यमपञ्चक अर्थात् तिहारको तेस्रो दिन आज, धनधान्यकी देवी लक्ष्मीको पूजा आराधना गरी मनाइदै

काठमाडौँ : यमपञ्चक अर्थात् तिहारको तेस्रो दिन आज साँझ ऐश्वर्य, धनधान्य र सम्पन्नताकी देवी लक्ष्मीको पूजा आराधना गरी श्रद्धा भक्तिपूर्वक लक्ष्मीपूजा पर्व मनाइँदैछ ।

सफासुग्घर र लिपपोत नगरिएको घरमा लक्ष्मीले बास गर्दिनन् भन्ने मान्यताका आधारमा आज बिहानै घर सफा सुग्घर र लिपपोत गरी दीपावली गरेर लक्ष्मीलाई आमन्त्रण गरिन्छ । आज विशेषगरी घरका झ्याल, ढोका, चोटा, कोठा, सङ्घार, कौसी, अटाली र भ¥याड लगायतका स्थानमा सरसफाइ गरी दीपावली गरिन्छ ।

लक्ष्मी पूजा गरिने कार्तिक कृष्ण औँसीको रातलाई सुखरात्रि पनि भनिन्छ । लक्ष्मी पूजाका लागि आज साँझ आँगनदेखि मूलढोका हुँदै लक्ष्मी स्थापना गरी पूजा गर्ने पूजा कोठासम्म गाईको गोबर र रातोमाटोले लिपपोत गरेर चामलको पीठो र अबिरले लक्ष्मीको पाइला बनाई लक्ष्मी आउने बाटो देखाइन्छ । पाइलैपिच्छे केराको सुत्लो अथवा माटाको पालामा दीप प्रज्ज्वलन गरी झिलीमिली बनाइन्छ ।

दीपावली गरिसकेपछि पूजा कोठामा दियो, कलश र गणेशसहित लक्ष्मी स्थापना गरेर गरगहना, पैसा, धान, चामल, फलफूल, सेलरोटी र फूलमाला चढाई विधिपूर्वक लक्ष्मीको पूजा गरिन्छ ।

लक्ष्मी पूजापछि कन्या केटी र छोरी चेलीलाई लक्ष्मीको प्रतीक मानी पूजा गरी दक्षिणासमेत दिने प्रचलन रहिआएको छ । आज घरमा लक्ष्मीपूजा गरेपछि धनदौलत वा अन्य सामान घर बाहिर पठाए लक्ष्मी बाहिर जान्छिन् भन्ने धार्मिक विश्वास छ ।

लक्ष्मी पूजा सन्ध्याकालमा गरी मध्यरातमा घरका नारीले नाङ्लो ठटाएर लक्ष्मी भागोस् लक्ष्मी र धनधान्यको आगमन होस् भनी कामना गर्ने शास्त्रीय विधि रहेको धर्मशास्त्रविद् एवं नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतमले जानकारी दिनुभयो ।

आज साँझ युवती समूह बनाई घरघरमा भैलो खेल्छन् । भगवान् विष्णुले यमपञ्चकको पाँच दिन स्वर्ग, मत्र्य र पाताल तीनै लोकको शासन गर्ने वरदान पाएका बलिराजाले भलो होस् भनी घरघरमा गाउन लगाएको सम्झनामा भैलो खेल्ने गरिएको हो । भलो होस् भन्ने शब्द समयक्रममा अपभ्रंश भई भैलो हुन आएको पनि उहाँले बताउनुभयो ।

आज भैलो खेल्न आउनेलाई धान, चामल, फूलमाला, पैसा र सेलरोटी दिइन्छ । भैलो खेल्न आउनेलाई दिइने दान कात्तिकको दान भएकाले नदिएमा राम्रो नहुने र दिएमा पुण्य प्राप्त हुने धार्मिक विश्वास छ ।

लक्ष्मी पूजाका अवसरमा आज शहर बजारमा दीपावली गरी झिलीमिली बनाइन्छ । कूल परम्पराअनुसार कतै आजै बिहान गाईको पूजा गर्ने प्रचलनसमेत छ । शास्त्रीयरुपमा भने औँसीपछि कार्तिक शुक्ल प्रतिपदा लागेपछि मात्र गाई पूजा गर्नुपर्ने उल्लेख गरिएको धर्मशास्त्रविद् गौतमले जानकारी गराउनुभयो ।

The post यमपञ्चक अर्थात् तिहारको तेस्रो दिन आज, धनधान्यकी देवी लक्ष्मीको पूजा आराधना गरी मनाइदै appeared first on Etajakhabar.

प्रजिअ र प्रहरी प्रमुखको गाडीमाथि ढुंगा प्रहार, प्रहरी र स्थानीयबीच झडप

रौतहट, कात्तिक १ । रौतहटको देवाही–गोनाही नगरपालिकामा राहतको माग गर्दै बाढीपीडितले प्रमुख जिल्ला अधिकारी र जिल्ला प्रहरी प्रमुखको गाडीमाथि बुधबार ढुंगा प्रहार गरका छन् ।

स्थानीयको ढुुंगा प्रहारबाट प्रजिअ चढ्ने गाडीको सिसा फुुटेको छ । स्थानीयको नियन्त्रणमा रहेका सो नगरपालिकाका कार्यकारी अधिकृत मनोज झालाई उद्धार गर्नेक्रममा प्रहरीसँग केहीबेर झडप भएको थियो ।

झडपमा परी सशस्त्र प्रहरी बलका प्रहरी नायब निरीक्षक र नेपाल प्रहरीका एकजना जवान घाइते भएका छन् ।

गत साउनमा आएको बाढीबाट पीडित देवाही–गोनाही–३ र ४ का २१८ जनालाई राहत वितरण गर्न बुधबार कार्यकारी अधिकृत नगरपालिकाको कार्यालय पुगेका थिए ।

सोहीक्रममा स्थानीयले बाढीपीडितको सूचीमा आफूहरुको नाम छुुटाएको भन्दै कार्यकारी अधिकृत झालाई नियन्त्रणमा लिएका थिए ।

कार्यकारी अधिकृत झालाई स्थानीयले नियन्त्रणमा लिएको सूचना पाएलगत्तै जिल्ला दैवीप्रकोप उद्धार समितिका अध्यक्ष एवं प्रजिअ उद्धवबहादुुर थापा, प्रहरी उपरीक्षक यज्ञविनोद पोखरेल, सशस्त्र प्रहरी बलका प्रहरी उपरीक्षक प्रेमराज पोखरेल, राष्ट्रिय अनुुसन्धान विभागका प्रहरी उपरीक्षक नवीनराज अधिकारी र देवाही–गोनाही नगरपालिकाका प्रमुख धर्मेन्द्र पटेल घटनास्थल पुुगेका थिए ।

देवाही–गोनाही वडा नम्बर–३ र ४ का स्थानीयको गुनासा सुनेपछि प्रजिअ थापासहितको टोली र सम्बन्धित वडाका वडाध्यक्षले तत्काल बैठक बसेर २१८ जनालाई राहत बाँड्ने, छुुटेकाको पुुनः छानबिन गरी सिफारिस गर्ने र गलत सिफारिस भएको देखिएमा दोषी ठहर हुुने सचिवलाई कारबाहीको दायरामा ल्याउने निर्णय गरेका थिए ।

बैठकमा भएको निर्णय सुुनाएर कार्यकारी अधिकृत झालाई उद्धार गर्न खोज्दा स्थानीयले आक्रोशित भएर रोकीराखेको गाडीमाथि ढुुंगा प्रहार गरेपछि प्रहरी र स्थानीयबीच केहीबेर दोहोरो झडपसमेत भएको थियो ।

झडपमा परी सशस्त्र प्रहरी बलका प्रहरी नायब निरीक्षक वीरेन्द्र यादव र नेपाल प्रहरीका प्रहरी जवान घाइते भएका प्रहरी निरीक्षक अशोक झाले जानकारी दिएका छन् ।

कार्यकारी अधिकृतको उद्धारपछि हाल त्यहाँको अवस्था सामान्य हुँदै गएको र दोषीको खोजी भइरहेको प्रहरी निरीक्षक झाले बताए ।

The post प्रजिअ र प्रहरी प्रमुखको गाडीमाथि ढुंगा प्रहार, प्रहरी र स्थानीयबीच झडप appeared first on Etajakhabar.

नेपाल र जोर्डनबीच श्रम समझदारीपत्रमा हस्ताक्षर

काठमाडौँ, १ कात्तिक – नेपाल र जोर्डनबीच आज श्रमसम्बन्धी समझदारीपत्रमा हस्ताक्षर भएको छ ।

जोर्डनमा रहनुभएका नेपालका श्रम तथा रोजगारमन्त्री फर्मुल्लाह मंसुर र जोर्डनका श्रममन्त्री अलि जहिर अलघजावीबीच आज उक्त समझदारीपत्रमा हस्ताक्षर भएको हो ।

साधारण कामदार र घरेलु कामदारसम्बन्धी दुई छुट्टाछुट्टै समझदारीपत्रमा दुईदेशबीच हस्ताक्षर भएको हो । नेपालले जोर्डनमा वैदेशिक रोजगारीका लागि खुला गरेपनि श्रम सम्झौता र समझदारी हुन सकेको थिएन । जसले गर्दा त्यहाँ कार्यरत नेपालीलाई श्रमसम्बन्धी समस्या पर्दा समाधानका लागि अप्ठ्यारो अवस्था रहेको थियो ।

दुई देशबीच कामदारको हक, अधिकार, कार्यक्षेत्रको अवस्था, कार्यअवधि, बीमा, आपूर्ति प्रक्रियालगायतका विषयमा समझदारी भएको हो । सुरक्षित र मर्यादित श्रमका लागि प्रयत्न गर्ने, कामदारको हक अधिकारसम्बन्धी अन्तर्राष्ट्रिय मापदण्डलाई पालन गरिने समझदारी पत्रमा उल्लेख छ ।

समझदारीले कामदारको हकअधिकार संरक्षण र संबद्र्धनमा सहयोग पुग्ने दुवै देशले विश्वास लिएका छन् । कामदारसम्बन्धी कुनै समस्या आए दुई देशले आपसी सहमतिमा टुंग्याउने पनि समझदारी पत्रमा उल्लेख छ ।

नेपालले रोजगारीका लागि १०९ मुलुक खुला गरेपनि हालसम्म कतारसँग मात्रै द्विपक्षीय श्रम सम्झौता भएको छ । बहराइन, जापान, दक्षिण कोरिया, कुवेत र इजरायलसँग श्रमसम्बन्धी समझदारीपत्रमा हस्ताक्षर भएको छ ।

The post नेपाल र जोर्डनबीच श्रम समझदारीपत्रमा हस्ताक्षर appeared first on Etajakhabar.

‘कुलमान चमत्कार’को एक वर्षः उज्यालोतिर देश


१ कात्तिक, काठमाडौं । गत वर्ष तिहार नजिकिँदै गर्दा लोडसेडिङ बढेर जाने चिन्तामा थिए, नेपाली । काठमाडौं उपत्यकावासी त झनै १८ घण्टे लोडसेडिङको प्रतीक्षामा थिए । तर, विद्युतको उच्च माग

भाइटिकाकै बेला जब रक्सीले मात्तिएर संजय दत्त अमिताभको पार्टी पुगे र मच्चाए हंगामा

एजेन्सी । बलिउड चर्चित अभिनेता सञ्जय दत्त हंगामा मच्चाउनमा माहिर मानिन्छन् । रक्सी नभई नहुने र रक्सीले टिल परेपछि हंगामा मच्चाउन खप्पिस यि कलाकारले एकदिन आँफुलाई मन पर्ने कलाकार श्रीदेवीलाई हेर्न भनेर छायांकन स्थलमा पुगे ।

जीतेन्द्रसँग फिल्म ‘हिम्मतवाला’ को शुटिङ शेटमा रहेकी श्रीदेवीलाई नदेखेपछि नशामा धुत्त सञ्जय श्रीदेवीको चेन्जिङ रुममै पुगेपछि उनलाई गार्डले जबरजस्ती तानेर बाहिर निकाल्नु परेको थियो । उनै अभिनेता संजयले गत वर्ष अभिनेता अमिताभ बच्चन परिवारले आयोजना गरेको तिहारको पार्टीमा सञ्जयले नशामा डुबेर मच्चाएको अहिले पनि भारतीय मिडियाले स्मरण गर्दै समाचार छापेका छन् ।

अभिनेता अमिताभ बच्चन परिवारले आयोजना गरेको तिहारको पार्टीमा सञ्जय पुग्दा नै रक्सीले मातेका थिए। मातेर पार्टीमा पुगेका सञ्जय आफ्नो खुट्टामा पनि उभिन सक्ने अवस्थामा थिएनन्। त्यहाँ उनले निकै हंगामा मच्चाए । सञ्जयलाई रक्सी र ड्रग्सको नशाबाट उम्काउन पुर्नस्थापना केन्द्रमै राख्नुपरेको थियो। उनको यो समस्याबाट उनको बुवा सुनील दत्त पनि हैरान भएको भारतीय अनलाइन भाष्कर दैनिकले लेखेको छ ।

The post भाइटिकाकै बेला जब रक्सीले मात्तिएर संजय दत्त अमिताभको पार्टी पुगे र मच्चाए हंगामा appeared first on Etajakhabar.

भिरबाट लडेर जुनकिरीको मृत्यु

बैतडी, १ कात्तिक – खर काट्ने क्रममा भिरबाट लडेर आज बैतडीमा एक महिलाको मृत्यु भएको छ ।मृत्यु हुनेमा सुर्नया गाउँपालिका–४ मेलडाँडाकी ३२ वर्षीया जुनकिरी लुहार रहेकी छन् ।

स्थानीय धरमपानी खरफागलमा खर काट्दै गरेकी जुनकिरीको भिरबाट करिब १०० मिटर तल खस्दा घटनास्थलमै ज्यान गएको स्थानीय प्रकाश भाटले जानकारी दिनुभयो ।

The post भिरबाट लडेर जुनकिरीको मृत्यु appeared first on Etajakhabar.

दृष्टिविहीन युवा रोगगारी माग्दै

नेपालगन्ज ०१ कार्तिक ।दृष्टिविहीन युवाहरुले आफुहरुलाई रोजगारीको खाँचो रहेको वताएका छन् । नेत्रहिन युवा संघ नेपालले बुधबार नेपालगन्जमा दृष्टिविहीन व्यक्तिहरुको रोजगारमा पहुँच बृद्धिका लागि रोजगारदाताहरुसँग गरेको कार्यशालामा बोल्ने दृष्टिविहीनहरुले सम्वद्ध सरोकारवालाहरुसँग रोजगारीको माग गरेका हुन् । कार्यशालामा बोल्ने सम्वद्धहरुले रोजगारीको प्रतिबद्धता समेत जनाएका छन ।

युवा स्वरोजगार कोष बाँकेका प्रमुख रितेश शर्माले संस्थागतरुपमा आए कर्जा दिएर रोजगारतर्फ उन्मुख गराउन सकिने वताए । शर्माले वितिय सस्थासगँ मिलेर अगाडी बढ्न सकिने प्रशस्त बाटो भएको बताए ।

कार्यक्रममा बोल्दै नेपालगन्ज उद्योग बाणिज्य संघका अध्यक्ष नन्दलाल बैश्यले अपाङ्गता भएका सक्षम युवाहरुलाई रोजगारी प्रदान गर्न संघ तयार रहेको वताए । बैश्यले अपाङ्गता भएका क्षमतावान युवाहरु आफ्नो सम्पर्कमा आउन आग्रह गरे । कार्यक्रममा बोल्दै आइटी व्यवसायी सञ्जय थापाले पनि आइटी क्षेत्रमा सक्षम युवाहरुलाई रोजगारी प्रदान गर्न सकिने जनाए ।

थापाले आफु सङलग्न रहेको विधिन्न सघंसस्थामा रोजगारी सिर्जना गरीदिने आस्वासन दिए । कार्यक्रममा राष्ट्रिय मानव अधिकार आयोगका द्वावारीका अधिकारी, गैसस महासंघ बाँकेका कार्यबहाक अध्यक्ष सपना भट्टराई, नेपाल राष्ट्रिय अपाङ्ग महासंघका क्षेत्रीय अध्यक्ष भावुकजंग थापालगायतले बोलेका थिए ।

The post दृष्टिविहीन युवा रोगगारी माग्दै appeared first on Etajakhabar.

प्रजिअ र प्रहरी प्रमुखको गाडीमाथि ढुंगा प्रहार

१ कात्तिक, रौतहट । देवाही गोनाही नगरपालिकामा राहतको माग गर्दै बाढीपीडितले प्रमुख जिल्ला अधिकारी र जिल्ला प्रहरी प्रमुखको गाडिमाथि आज ढुंगा प्रहार गरका छन् ।

स्थानीयको ढुंगा प्रहारबाट प्रजिअ चढ्ने गाडीको सिसा फुटेको छ । स्थानीयको नियन्त्रणमा रहेका सो नगरपालिकाका कार्यकारी अधिकृत मनोज झालाई उद्धार गर्ने क्रममा प्रहरीसँग केहीबेर झडप भएको थियो । झडपमा परी सशस्त्र प्रहरी बलका प्रहरी नायब निरीक्षक र नेपाल प्रहरीका एक जना जवान घाइते भएका छन ।

गत साउनमा आएको बाढीबाट पीडित देवाही गोनाही–३ र ४ का २१८ जनालाई राहत वितरण गर्न आज कार्यकारी अधिकृत नगरपालिकाको कार्यालय पुगेका थिए । सोही क्रममा स्थानीयले बाढीपीडितको सूचीमा आफूहरुको नाम छुटाएको भन्दै कार्यकारी अधिकृत झालाई नियन्त्रणमा लिएका थिए ।

कार्यकारी अधिकृत झालाई स्थानीयले नियन्त्रणमा लिएको सूचना पाएलगत्तै जिल्ला दैवीप्रकोप उद्धार समितिका अध्यक्ष एवं प्रजिअ उद्धवबहादुर थापा, प्रहरी उपरीक्षक यज्ञविनोद पोखरेल, सशस्त्र प्रहरी बलका प्रहरी उपरीक्षक प्रेमराज पोखरेल, राष्ट्रिय अनुसन्धान विभागका प्रहरी उपरीक्षक नवीनराज अधिकारी र देवाही गोनाही नगरपालिकाका प्रमुख धर्मेन्द्र पटेल घटनास्थल पुगेका थिए ।

देवाही गोनाही वडा नं ३ र ४ का स्थानीयको गुनासा सुनेपछि प्रजिअ थापासहितको टोली र सम्बन्धित वडाका वडाध्यक्षले तत्काल बैठक बसेर २१८ जनालाई राहत बाढने, छुटेकाको पुनः छानबिन गरी सिफारिश गर्ने र गलत सिफारिश भएको देखिएमा दोषी ठहर हुने सचिवलाई कारबाहीको दायरामा ल्याउने निर्णय गरेका थिए ।

बैठकमा भएको निर्णय सुनाएर कार्यकारी अधिकृत झालाई उद्धार गर्न खोज्दा स्थानीयले आक्रोशित भएर रोकीराखेको गाडिमाथि ढुंगा प्रहार गरेपछि प्रहरी र स्थानीयबीच केहीबेर दोहोरो झडपसमेत भएको थियो ।

झडपमा परी सशस्त्र प्रहरी बलका प्रहरी नायब निरीक्षक वीरेन्द्र यादव र नेपाल प्रहरीका प्रहरी जवान घाइते भएका प्रहरी निरीक्षक अशोक झाले जानकारी दिएका छन । कार्यकारी अधिकृतको उद्धारपछि हाल त्यहाँको अवस्था सामान्य हुँदै गएको र दोषीको खोजी भइरहेको प्रहरी निरीक्षक झाले बताए । रासस

 

The post प्रजिअ र प्रहरी प्रमुखको गाडीमाथि ढुंगा प्रहार appeared first on Nepali Headlines,Nepal News, Nepali News, News Nepal.

Powered by keepvid themefull earn money