Blog Page 876

सप्तकोसी अझै एक सय ४७ वर्ष भारतको जिम्मा

काठमाडौं, साउन ३२- ०११ वैशाख १२ गते नेपाल र भारतबीच कोसी सम्झौतामा हस्ताक्षर भएपछि बनेको बाँध ०२२ वैशाख १२ गते उद्घाटन भएको थियो । कोसी ब्यारेज १९९ वर्ष भारतले सञ्चालन गर्ने गरी भएको सम्झौताअनुसार बनेको बाँध बल्ल ५२ वर्षको भएको छ । तर, अझै १४७ वर्ष भारतले नै सञ्चालन गर्नेछ । यो खबर हामीले आजको नयाँ पत्रिकाबाट लिएका हौ।

कानुनी वैधता लामो भए पनि बाँधको इन्जिनियरिङ क्षमता सकिएको छ । ५० वर्ष नाघेकाले बाँध कुनै पनि वेला भत्किन सक्ने चेतना नेपाल र भारत दुवै पक्षलाई छ । तर, यो विषयमा सार्थक सहमति भएको छैन ।

कोसी सम्झौताअनुसार ब्यारेज भारतबाट सञ्चालित छ र पटनास्थित कार्यालयबाट यसको सञ्चालन र रेखदेख भइरहेको छ । कोसी ब्यारेजको ढोका खोल्ने जिम्मा भारतीय कर्मचारीको छ । कोसीमा यति क्युसेक पानी बग्यो भनेर आउने जानकारी पनि भारतीयहरूले दिएपछि नेपाली अधिकारीमार्फत मिडियामा आउँछ ।

गन्डक सम्झौता : ५८ वर्षअघि बाँध बनेदेखि विवाद

१९ मंसिर ०१६ मा नेपाल र भारतबीच गन्डक सम्झौता भएको हो । बाढी नियन्त्रण, सिँचाइ र विद्युत् उत्पादन गर्ने एकीकृत उद्देश्यले भएको सम्झौतामा नेपालको तर्फबाट उपप्रधानमन्त्री सुवर्णशमशेर र भारतीय राजदूत भगवान सहायले सो सम्झौतामा हस्ताक्षर गरेका थिए ।

सम्झौताअनुसार नेपालले ४० हजार हेक्टर जमिनका लागि सिँचाइ सुविधा पाउनुपर्नेमा २५ हजार हेक्टरमा मात्रै पाएको छ । आवश्यक परेका वेला सिँचाइ नपाउने र अनावश्यक समयमा बाढी आउने समस्याले नवलपरासीका १३ गाविसका बासिन्दा पीडित छन् । जनस्तरमा यो विषय पटक–पटक उठे पनि कूटनीतिकस्तरमा प्रभावकारी बहस हुन सकेको छैन ।

टनकपुर बाँध : ९७ वर्षअघिको अंग्रेजी घाउ

भारतमा अंग्रेजकै शासन भएका वेला सन् १९२० मा महाकाली नदीमा बाँध बनाउने गरी शारदा सन्धि भएको हो । त्यतिवेला नेपाललाई चार सय ६० क्युसेक पानी दिने भनिए पनि नेपालले कहिल्यै पाएन ।

देशमा प्रजातन्त्र पुनर्बहाल भएपछि ०४८ मा भारत भ्रमणमा गएका प्रधानमन्त्री गिरिजाप्रसाद कोइरालाले टनकपुर सन्धि गरेका थिए भने ०५२ मा शेरबहादुर देउवाले टनकपुरलाई समेटेर महाकाली सन्धि गरेका थिए । तर, त्यसअघि नै भारतले एकतर्फी रूपमा बनाएको जलाशयले पाँच सय ७७ मिटर नेपाली जमिन मिचेको छ ।

महाकाली सन्धिले भनेको छ– जलाशयबाट नेपालले तीन सय क्युसेक पानी पाउनेछ । जब कि महाकाली नदीमा औसतमा २४ हजार क्युसेक पानी बग्छ । नेपाली भूमि बचाउन र नदीमा आधा अधिकार स्थापित गर्न महाकाली क्षेत्रका जनताले १८ वर्षदेखि आन्दोलन गरिरहेका छन् । तर, देशका जिम्मेवार राजनीतिक दल यो विषयमा मौनजस्तै छन् ।

The post सप्तकोसी अझै एक सय ४७ वर्ष भारतको जिम्मा appeared first on Etajakhabar.

डिभोर्सपछि कोसँग ‘रिलेशनसिपमा’ छिन् करिश्मा

बलिउड । पुर्व पति संजय कपुरसँग डिभोर्स लिए पश्चात करिश्मा कपुरको लिंकअपको खबर बाहिर आएको छ ।

आफ्नो परिवारसँग क्वालिटी टाइम बिताइरहेकी छिन् । खबरका अनुसार करिश्माको लाइफमा मुम्बइमा बस्दै आइरहेका सिइओ संदीप तोशनीवाला आएका छन् । भविष्यमा सँगै रहने सपना समेत देख्न थालिसकेका छन् ।

एक फिमेल वेवसाइटका अनुसार करिश्मा र संदीप रिलेशनसिपको अर्को तहमा जाने तयारीमा रहेका छन् । यसै सिलसिलामा संदीपले बान्द्रास्थित रहेको अपार्टमेन्टमा घर खोज्न समेत लागेको बताइएको छ । यती मात्र नभइ संदीप आफ्नो पत्नीसँग डिभोर्स लिने तयारीमा समेत रहेको बताइएको छ ।

वेवसाइटका अनुसार मँहगो फ्ल्याट किनेर संदिपले करिश्मालाई गिफ्ट गर्न चाहेका छन् । करिश्मा आफ्ना बच्चाहरुसँगै उक्त घरमा रहन सक्ने सम्भवाना पनि रहेको छ । करिश्माले आफ्नो पुर्व पतिसँग डिभोर्स लिइसकेकी छिन् भने हाल आफ्नो पिता रणधीर कपुरसँग बस्दै आइरहेकी छिन् ।

 

The post डिभोर्सपछि कोसँग ‘रिलेशनसिपमा’ छिन् करिश्मा appeared first on Sajha Post.

टर्कीमा अपहरण, बंगलादेशमा फिरौती, नेपालमा अनुसन्धान

काठमाडौं, ३२ साउन । नेपाल प्रहरीले एउटा यस्तो अन्तर्देशीय अपराधको अनुसन्धान गरिरहेको छ, जुन घटना टर्कीमा भएको थियो भने फिरौती बंगलादेशमा लिइएको थियो । टर्किस र बंगलादेशी मिलेर गरेको अपहरणको घटनाको पीडित भने नेपाली थिए ।

आकर्षक रोजगारीको सपना बोकेर १४ लाख खर्च गरेर टर्की पुगेका रुकुमका झलक नकाल अपहरणमा परेका हुन् । बन्धक बनाएको नवौँ दिन नौ हजार अमेरिकी डलर बुझाएर उनी मुक्त भएका थिए । जुन घटनाको अनुसन्धान हाल नेपाल प्रहरीको केन्द्रीय अनुसन्धान ब्युरो (सिआइबी) ले अघि बढाएको छ । नयाँ पत्रिका दैनिकले समाचार छापेको छ ।

भारत हुँदै अवैध रूपमा टर्की

साथीमार्फत चिनजान भएका रुकुम मुसिकोटकै ३४ वर्षीय प्रकाश वलीमार्फत झलक टर्की पुगेका थिए । भारत हुँदै उनी अवैध रूपमा टर्की गएका थिए । टर्कीको इस्तानबुलमा जागिर पक्का भन्दै उनीसँग वलीले १२ लाख लिएका थिए । इस्तानबुलमा काम पाएपछि त्यहाँ पिआर पनि पक्का हुने आश्वासन दिइएको थियो । सोहीअनुसार उनी मोटो रकम खर्च गरेर एक वर्षअघि टर्की पुगेका थिए ।

इस्तानबुल एयरपोर्टमा प्रकाश वली झलकलाई लिन आए । त्यहाँको प्लास्टिक कम्पनीमा लगेर काम लगाए । झलकलाई लाग्यो, आफ्नो सपना पूरा भयो । तर, तलब आउने वेला मात्र उनी आफू ठगिएको थाहा पाए । सम्झौताअनुसार धेरै नै कम तलब आयो । तीन महिना सो कम्पनीमा काम गरेपछि बीचमै छाडेर अर्काे कामको खोजीमा थिए ।

त्यही वेला उनै वलीले अर्काे काम मिलेको भन्दै बोलाए । डेरानजिकै लिन आए । उनी अन्य दुई भारतीय साथीस“ग थिए । तीनैजनालाई एउटा घरको अन्डरग्राउन्डमा पु¥याइयो । काम देखाउन भन्दै त्यहा“ लगिएको थियो । वली गेटबाटै फर्किए । टर्किस र बंगलादेशी नागरिकले भित्र लिएर गए । भित्र पुगेपछि काम होइन, पेस्तोल देखाए । तीनैजनाको मोबाइल खोसेर बन्धक बनाइराखे ।

त्यसपछि सुरु भयो फिरौतीको बार्गेनिङ । उनीहरूले प्रतिव्यक्ति २५ लाख अमेरिकन डलर दिए मात्र छाडिदिने बताए । तर, ऋण गरेर टर्की पुगेका झलकस“ग पैसा थिएन । अपहरणकारीहरूले अत्याधुनिक पेस्तोल देखाउँदै मार्ने धम्की दिइरहेका थिए ।

बन्धक बनाएको एक साता भइसकेको थियो । खान पनि थोरै मात्र दिएका थिए । फिरौती नदिई छुट्ने सम्भावना नदेखेपछि उनले दक्षिण कोरियामा रहेका आफ्ना दाइ राजकुमार नकाललाई फोन गरे । अपहरणकारीहरूले पैसा पठाउन बंगलादेशको बैंक खाता नम्बर दिएका थिए ।

नौ हजार डलरमा रिहा

लामो समय बार्गेनिङ गरेपछि अपहरणकारीहरू नौ हजार डलरमा रिहा गर्न तयार भए । तर, नेपालबाट बंगलादेशको बैंकमा पैसा पठाउन सहज थिएन । त्यसकारण उनका दाइले दक्षिण कोरियाबाटै पैसा पठाएपछि गत वर्ष १९ पुसमा झलक रिहा भएका थिए ।

नौ दिनपछि फिरौती बुझाएर उनी छुटेका थिए । छुटेको केही दिनपछि उनले टर्कीको प्रहरीमा उजुरी गरे । अपहरणमा संलग्न एकजना टर्किस नागरिक पक्राउ परे । त्यसपछि उनी नेपाल फर्किए ।

नेपाल फर्किएर सिआइबीमा उजुरी

नेपाल फर्किएको केही समयपछि उनले घटनाको अनुसन्धानका लागि सिआइबीमा उजुरी दिए । गत वैशाखदेखि सिआइबीले इन्टरपोलको सहयोगमा घटनाको अनुसन्धान गरिरहेको छ । सिआइबीका निमित्त प्रमुख एसएसपी शेरबहादुर बस्नेतका अनुसार अपहरणमा संलग्न तीनजनाको पहिचान भइसकेकाले उनीहरूलाई फरार अभियुक्तका रूपमा काठमाडौं जिल्ला अदालतमा अपहरण तथा शरीर बन्धक मुद्दा दायर भइसकेको छ ।

प्रकाश वलीसहित बंगलादेशी नागरिकहरू मोहम्मद अनवर मलिक र मोहम्मद मन्नन मलिकविरुद्ध मुद्दा दायर भएको छ । ‘उनीहरूविरुद्ध रेड कर्नर नोटिस जारी गर्ने प्रक्रिया अघि बढाएका छौँ,’ एसएसपी बस्नेत भन्छन्, ‘उनीहरूलाई नेपाल ल्याएर हामी कारबाही गर्छाैँ ।’ घटनाको थप विवरणबारे टर्कीको प्रहरीसँग समन्वय भइरहेको उनले बताए ।

नेपाल प्रहरीकै पत्राचारका आधारमा फिरौती पठाइएको बंगलादेशको पुबाली बैंकमा रहेको मनन मालिकको खाता पनि रोक्का गरिएको छ । उनको खातामा सात लाख तीन हजार ८९ बंगलादेशी टाँका रहेछ । इन्टरपोलको सहयोगमा सो पैसा फिर्ता ल्याउने प्रक्रियासमेत नेपाल प्रहरीले अघि बढाएको छ । आफूलाई अपहरणको योजना बनाउने मुख्य अभियुक्त प्रकाश वली नै भएको र उनलाई कारबाही हुनेमा आफू् विश्वस्त रहेको झलकले बताए ।

The post टर्कीमा अपहरण, बंगलादेशमा फिरौती, नेपालमा अनुसन्धान appeared first on Etajakhabar.

आफ्नै शब्द र स्वरमा तयार गीतमा हट अवतारमा देखा परिन् मोडल तथा बेलि डान्सर अनिता

काठमाडौं । मोडल तथा बेलि डान्सर अनिता लिम्बुको अर्को परिचय पनि थपिएको छ । आफ्नै शब्द र स्वरमा अनिताले ‘यो जिन्दगी’ बोलको गीत सार्बजनिक गरेर गायिकाको परिचय थपेकी छिन् । गीतमा आफैंले मोडलिङ गरेर आकर्षक दृश्य समेत दिएकी छन् । चोभार, लाजिम्पाटलगतायका स्थानमा छायाकंन गरिएको गीत आधुनिक पप फ्लेवरमा तयार भएको छ ।

नितिन चन्दको छायाकंन तथा निर्देशनमा तयार भएको भिडियोमा अनिताले सोलो नृत्य प्रस्तुत गरेकी छन् । अभिनय र नृत्य मिसिएको भिडियो निकै रोमान्चक र आकर्षक देखिन्छ । रुपेश खड्काले सम्पादन गरेको भिडियोका लागि सरिन पोखरेलले कोरियोग्राफी गरेका छन् ।

प्रेमिल भावका शब्दहरु समेटिएको गीतमा आफ्नो प्रेमीप्रति समर्पण जस्तो भएको छनक पाइन्छ । अंग्रेजी तथा अफ्रिकन गीतमा समेत मोडलिङ गरिसकेकी लिम्बुले प्रिती आलेको स्वरमा रहेको ‘मन त नेपाली हो’ भन्ने भिडियोमा यसअघि सोलो डान्स प्रस्तुत गरेकी छन् । बेलायत बस्दै आएकी अनिताले एक अफ्रिकन गायकको ‘लेमोन्ट चितेपो’मा समेत मोडलिङ गरिसकेकी छन् ।

The post आफ्नै शब्द र स्वरमा तयार गीतमा हट अवतारमा देखा परिन् मोडल तथा बेलि डान्सर अनिता appeared first on Etajakhabar.

सौराहामा प्रकृतिले यसरी गरिन् जलक्रीडा !


३१ साउन, चितवन । पर्यटकीय गन्तव्य सौराहा शुक्रबार र शनिबारको बाढीबाट अस्तव्यस्त बन्यो । खासगरी राप्ती किनारका होटल र रेस्टुराँको नामोनिशाना मेटिए ।
बाढी पहिरोले सौराहामा साढे १३ करोड रुपैयाा बराबरको

मध्यरातमा हेर्दाहेर्दै घर डुब्यो : घर भित्र रहेका ६ जना बग्न थाले, १६ किलोमिटर बगेर मृत्युलाई जितिन् सानु राईले (भिडियो)

इटहरी । मध्य रातमा एकाएक बस्तीमा बाढी पस्यो। केहीबेरमै रूवावास मच्चियो। बस्तीको एउटा घरमा तीनजना साना बालबालिकासहित ६ जनाले बाढीबाट बाँच्न हरसंभव उपाय खोज्दै थिए। हेर्दाहेर्दै घर डुबाउन आँट्यो। बाँच्नका लागि संघर्ष गर्दागर्दै एकाघरका ती ६ जनालाई बाढीको भेलले छिन्नभिन्न पारिदियो।

६ जना मध्येकी एक थिइन्–सानु राई, जो बाढीमा १६ किलोमिटर टाढासम्म बगिन्। कुनै काल्पनिक कथा जस्तो लाग्छ– मध्यरातमा १६ किलोमिटरसम्म बगेर पनि सानुले मृत्युलाई जितेरै छाडिन्। उनी बाढीको बीचमा मुढा समाएर, बगेका खटियामाथि चढेर, रूखका हाँगा समाएर लगातार घण्टौं संघर्ष गरिरहिन्। बाँच्नका लागि गरेको अथक संघर्षले सानु त बाँचिन् तर उनीसँगैका बाँकी पाँच सदस्यमध्ये तीनजनालाई बाढीले निल्यो।


इटहरी बजार छेउकै बुढी खोला किनाराको गैरी गाउँ बाढीले तहस नहस पारेको छ। त्यही बाढीमा बगेकी सानु राई बस्तीदेखि करिब १६ किलोमिटर तल दुहवीमा बाढीको बीचमा रूखमा चढेर गुहार माग्दै गरेको अवस्थामा अर्को दिन बिहान फेला परेकी हुन्। स्थानीय युवाले उनको उद्धार गरेर अस्पताल लगेका थिए। जीउका कपडा च्यातिएको अवस्थामा शरीरभर घाउ र लुगलुग काँपेकी उनी उद्धारको प्रतिक्षामा बाढीको बीचमा रूखमा भेटिएकी हुन्।

सानु इटहरीको जनता बहुमुखी क्याम्पसमा बीएड पहिलो वर्षमा अध्ययनरत छात्रा हुन्। उनी शुक्रबार विदा मनाउन दिदीको घरमा पाहुना भएर गएकी थिइन्।

त्यो कहालीलाग्दो रात, बाढीले निल्दै गरेको घर र त्यहाँ भित्र बाँच्नका लागि गरेको संघर्ष अनि १६ किलोमिटर टाढासम्म बाढीमा बग्दै गर्दाको संघर्षपूर्ण त्यो क्षणबारे सानु राईले इटहरी पुगेको डिसी नेपाल टिमसँग यसरी बयान गरेकी छिन्ः

सानुकी दिदी आशादेवी, भिनाजु राजकुमार र उनीहरूका नाबालक छोरा निमेश बाढीमा बेपत्ता छन्। छोरी कमला र छोरा निशानलाई सोही रात उद्धार गरिएको थियो।

The post मध्यरातमा हेर्दाहेर्दै घर डुब्यो : घर भित्र रहेका ६ जना बग्न थाले, १६ किलोमिटर बगेर मृत्युलाई जितिन् सानु राईले (भिडियो) appeared first on Etajakhabar.

अव्यवस्थित तार एक महिनामै हटाइने

काठमाडौं ।सरकारले उपत्यकामा छरपस्ट रहेका फोन, इन्टरनेटलगायतका तार एक महिनाभित्र व्यवस्थित गर्ने भएको छ। सूचना तथा सञ्चार मन्त्रालयले सरोकारवाला निकायसँग समन्वय गरी एक महिनाभित्रै काठमाडौंका सडकबाट अव्यवस्थित तार हटाउने निर्णय गरेको हो।

सूचना तथा सञ्चारमन्त्री मोहनबहादुर बस्नेतले सहरी सौन्दर्य कायम राख्न सरोकारवालालाई तार हटाउन निर्देशन दिएका छन्। मन्त्रालयमा मंगलबार भएको छलफलमा उनले अनावश्यक तार हटाउन नेपाल टेलिकम कप्पनी, इन्टरनेट सेवाप्रदायक र केबल अपरेटरलाई तार व्यवस्थापन गर्न निर्देशन दिएका हुन्। आजको अन्नपूर्ण पोस्टमा खबर छ ।

कलंकीदेखि त्रिपुरेश्वरसम्म एक साताभित्रै र उपत्यकाका सबै युटिलिटीका तार एक महिनाभित्र व्यवस्थित गर्ने निर्णय भएको सूचना तथा सञ्चार मन्त्रालयका सचिव महेन्द्रमान गुरुङले जानकारी दिए। मन्त्रालयले आगामी १५ दिनभित्रै सबै सेवाप्रदायकलाई आआफ्नो तार पहिचान गर्न र एउटा पोलदेखि अर्कोसम्म कम्पनीको तार पहिचानको ट्याग राख्न आग्रह गरेको छ। तार व्यवस्थापन नगरिए सरकारले काट्ने उनको भनाइ छ।

इन्टरनेट सेवाप्रदायक, केबल अपरेटर्स एवं सेवाप्रदायकले टेलिकम र प्राधिकरणकै पोलबाट सेवा प्रवाह गरिरहेका छन्। सहरी सौन्दर्य कायम गर्न र अव्यवस्थित तार हटाउन आवश्यक सहयोगका लागि तार काट्ने श्रमिकको खर्च बेहोर्ने नेपाल दूरसञ्चार प्राधिकरण तयार रहेको प्राधिकरणका अध्यक्ष दिगम्बर झाले बताए। ‘यसअघि २०७१ सालमै सरकारले उपत्यकाको तार हटाउन गरेको प्रयास असफल भएको थियो’, उनले भने। त्यसपछि पनि पटकपटकको प्रयासमा सेवाप्रदायकले नै बेवास्ता गरेको उनको भनाइ छ।

सडकमै लत्रिरहेका, बीचमा तार टुक्रिएर सडकसम्म झुन्डिएको, एउटै पोलमा धेरै तार जेलेर राखिएको, अनावश्यक तार नहटाउँदा सौन्दर्यसमेत बिग्रिएको छ। साथै सम्भावित दुर्घटनाबाट जोगिन पनि अव्यवस्थित तार हटाउनुपर्ने मन्त्रालयले बताएको छ। एउटा नियकाले अर्कोसम्म समन्वय नगरी तार तान्ने, भएकै तारलाई पनि व्यवस्थित नगर्ने, तारको अन्डरग्राउन्ड प्रयोग नभएकोलगायत कारण सहरी सौन्दर्य बिग्रिएको छ।

बिजुली र फोनका पोल सार्दा तार लत्रिएको नेपाल केबल टेलिभिजन महासंघका अध्यक्ष सुधीर पराजुलीले जानकारी दिए। केबल अपरेटर्स र इन्टरनेट सेवाप्रदायकका आफ्ना पोल छैनन्। टेलिकमले एउटै तारबाट ७२ वटासम्मलाई सेवा दिन सक्ने अवस्था छ। कम्पनीसँग सहकार्य गर्ने र नयाँ पूर्वाधार कम्पनीलाई नै तार पनि भूमिगत गर्ने जिम्मा दिए अहिलेको समस्या ५० प्रतिशत समाधान हुने उनको दाबी छ।

The post अव्यवस्थित तार एक महिनामै हटाइने appeared first on Etajakhabar.

मृतकको संख्या १२३ पुग्यो, अझै ३५ बेपत्ता, भौतिक क्षेति कति ?

काठमाडौँ । केही दिनदेखिको अविरल वर्षासँगै आएको बाढी र डुबानमा परी १२३ जनाको मृत्यु भएको छ।

बाढी र पहिरोबाट ३९ घाइते र ३५ जना बेपत्ता भएको गृह मन्त्रालयले जानकारी दिएको छ। बाढीबाट बेपत्ता हुनेको शवको खोजी जारी रहेको गृहप्रवक्ता रामकृष्ण सुवेदीले बताए।

मन्त्रालयले मंगलबार राहत वितरणका लागि नेपाली सेनाका दुईवटा हेलिकोप्टर, सिम्रिक एयर, एयर अल्टिच्युड, श्री एयर, फिस्टेल एयर, एयर डाइनेस्ट, हेली एभरेस्ट एयरका एक–एक हेलिकोप्टर प्रयोग गरेको थियो। हवाईमार्गमार्फत सप्तरी, महोत्तरी, सर्लाही, रौतहट, बाँके, बर्दिया, पर्साका १८ विभिन्न स्थानमा राहत सामग्री वितरण गरिएको सुवेदीले बताए।

भौतिक संरचनाको क्षतिको विवरण संकलन हुँदै
तराईमा आएको बाढीबाट भएको भौतिक संरचनाको क्षतिको विवरण संकलन भइरहेको गृह मन्त्रालयका सूचना अधिकारी भविश्वर पाण्डेले बताए।

‘हामी अहिले मानवीय उद्धार, राहत र पुनस्र्थापनामा लागेका छौँ,’ पाण्डेले भने, ‘मानवीय उद्धार कार्यपछि भौतिक संरचनाको क्षतिको विवरण संकलन गर्ने गर्छौँ।’ अहिलेसम्म प्राप्त तथ्यांकअनुसार १० हजार पूर्ण रूपमा र ६० हजार घर आंशिक क्षति भएको पाण्डेले बताए।

बाढीपीडितका लागि सहयोग गर्न बैँकमा खाता खोलियो
बाढीपीडितका लागि आर्थिक सहयोग गर्न चाहने व्यक्ति, संघसंस्थाले प्रधानमन्त्री दैवी प्रकोप उद्धार कोषमा रकम जम्मा गर्न सक्ने भएका छन् । उनीहरूले सीधै बैँकमा रकम जम्मा गर्न सक्नेछन्।

सरकारले ल्याएको एकद्वार प्रणालीअनुसार सहयोग गर्न बैंकमा खाता खोलिएको हो। बाढीपीडितका लागि आर्थिक सहयोग गर्न एक दर्जनभन्दा धेरै बैंकमा खाता खोलिएको गृह मन्त्रालयका प्रवक्ता रामकृष्ण सुवेदीले बताए।

मन्त्रालयले हिमालयन बैंक, एभरेस्ट, राष्ट्रिय वाणिज्य बैँक, स्ट्यान्डर्ड चार्टर्ड बैँक, नेपाल एसबिआई बैंक, नेपाल इन्भेस्टमेन्ट बैँक, ग्लोबल आइएमई, एनआइसी एसिया, नेपाल बैंक, नेपाल बंगलादेश बैंक, बैंक अफ काठमाण्डू, सिटिजन बैक, नबिल बैंकमा खाता खोलिएको छ।

बाढीले ६९ हजार पाँच सय २६ पशुपक्षी र चौपाया मरे
पशुपक्षी विकास मन्त्रालयले बाढीपहिरोमा ६९ हजार पाँच सय २६ पशुपक्षी र चौपाया मरेको जनाएको छ। मन्त्रालयको तथ्यांकअनुसार कुखुरा, ब्रोइलर, लेयर्स गरी ६६ हजार एक सय ५६ वटा मरेका छन्।

त्यसैगरी, बंगुर, सुंगुरका पाठापाठी ६ सय २२, बाख्रा, बोका, खसी २६ सय ४४, भौसी–राँगा ३६ र गाईगोरु ६९ वटा मरेका छन्। यस्तै, १२ हजार ३ सय ४५ घरपालुवा चौपाया मरेका छन्। तराईका २४ जिल्लामा १८ करोडभन्दा धेरैको पशुपक्षी र चौपायाबाट क्षति भएको मन्त्रालयको आँकलन छ। आजको नयाँ पत्रिका दैनिकले खबर छापेको छ।

The post मृतकको संख्या १२३ पुग्यो, अझै ३५ बेपत्ता, भौतिक क्षेति कति ? appeared first on Etajakhabar.

नेपाल-चीन वार्ताः सकारात्मक तर कमजोर उपलब्धी


३१ साउन, काठमाडौं । चीनबाट १७ अर्ब रुपैयाँ भित्र्याउन प्राप्त सफलतालाई नेपाल-चीन उच्चस्तरीय प्रतिनिधि मण्डलबीच मंगलबार होटल सोल्टीमा भएको वार्ताको मुख्य उपलब्धीका रुपमा नेपाली पक्षले व्याख्या गरेको छ ।
द्वीपक्षीय वार्तापछि

बैंक खाताको पैसा २० वर्षसम्म नचलाए जफत हुने

काठमाडौं, साउन ३२ । बैंक खातामा राखेको पैसा २० वर्षसम्म नचलाए जफत हुने भएको छ ।

यस्तो पैसा निष्क्रिय रहेको ठहर गरी सरकारीकरण गरिनेछ । नेपाल राष्ट्र बैंकले मंगलबार निर्देशिका २०७४ जारी गर्दै यस्तो व्यवस्था गरेको हो ।

ग्राहकले समय समयमा आफ्नो खाताबाट रकम झिक्ने र रकम जम्मा गर्ने काम गरियो भने पनि खाता निष्क्रिय हुँदैन । पैसा जम्मा गरेको १० वर्षदेखि खाता चल्तीमा छैन वा कसैको पनि हकदाबी परेको छैन भने सम्बन्धित बैंकले त्यस्तो खाताको विवरण प्रत्येक आर्थिक वर्षको पहिलो महिनाभित्र राष्ट्र बैंकलाई जानकारी गराउनुपर्ने व्यवस्था गरिएको छ ।

२० वर्षसम्म खाताको पैसा बुझ्न नगए राष्ट्र बैंकको बैंकिङ विकास कोषमा जम्मा गर्नुपर्छ । बैंक खाता बन्द गर्दा पनि ग्राहकले शुल्क तिर्नुपर्ने भएको छ । –अन्नपूर्ण पोस्ट दैनिकबाट

The post बैंक खाताको पैसा २० वर्षसम्म नचलाए जफत हुने appeared first on Etajakhabar.

Powered by keepvid themefull earn money